Екипите на Металург и Зомимак М синоќа остварија победи на домашен терен на натпреварите од 7. коло од Супер лигата. Шампионот Металург пред своите навивачи во салата во Автокоманда го победи Тинекс Пролет со 32:16 и се искачија на првото место на табелата.
Најефикасен на натпреварот беше ветеранот Стевче Алушевски со пет голови.
Во Струмица Зомимак М го совлада Пелистер со 31:27 и со овој триумф се зацврсти на третата позиција. Најпрецизен на дуелот беше Дејан Пецаковски со 7 голови.
Куманово и Вардар Про порано го одиграа натпреварот, а „црвено-црните“ постигнаа победа со 29:23.
Табела: Металург 19 бодови, Вардар Про 17, Зомимак М 13, Тинекс Пролет 6, Пелистер 3, Куманово 3.