Кошаркарите на Карпош Соколи вечерва ја постигнаа петтата победа во БИБЛ лигата откако вечерва во дуел од 10.коло од Б групата ја совладаа екипата на Фени Индустри со 79:63 (16:13; 22:25; 20:11 и 21:14).
На полувреме резултатот беше нерешен 38:38, а во вториот дел домашната екипа беше подобра. Бојан Трајковски од Карпош Соколи со 25 поени беше најефикасен на натпреварот.
На вториот натпревар од оваа група одигран денеска Пеќ ја победи Тирана со 96:72.
Табела Б група: Пеќ 7-3 (победи-порази), Фени Индустри 6-4, Карпош Соколи 5-5,Сутјеска 5-4, Трепча 4-5, Тирана 3-7.
Последниот натпревар од првата фаза од БИБЛ лигата се игра утре меѓу Сутјеска и Трепча.