Меѓународниот одбојкарски турнир „Бранко Хаџииљоски Чајка“ ќе го има своето 42. издание. И овој пат Агенцијата за млади и спорт ја помага манифестацијата која ја афирмира одбојката.
Овој турнир е празник за одбојката во Македонија и градот Тетово, уште од далечната 1975 година, и е една од најстарите манифестации во Македонија. Морам да ја истакнам мојата благодарност до семејството Хаџи- Иљоски, како и до медиумите кои учествуваат во промоција и поддршка на овој спортски настан, што условува континуитет во одржување и постоење на најстарите македонски спортски манифестации, истакна Дарко Каевски, директор на АМС.
Тој ги покани сите вљубеници во одбојката и спортот воопшто да бидат дел од оваа спортска манифестација.
Свои обраќања имаа и претставници на Одбојкарската федерација на Македонија и организациониот одбор на турнирот, кои истакнаа дека овој турнир претставува историја на одбојката во Македонија и одлична можност за сите вљубеници на одбојката во Тетово и пошироко да присуствуваат на одлични натпревари.
Покрај тимовите на ОК “Работнички” од Скопје, ОК “Универзитети во Тетово” и OK“ Бами Кор” од Тетово, ќе настапи и ОК “Рудар- Пљевља” од Црна Гора, со што овој турнир ќе добие меѓународна димензија.