Познатиот кошаркар на Бостон селтикс, Пол Пирс именуваше двајца играчи кои недостасуваат во идеалните петорки за НБА сезоната 2020/21.
Поранешниот експерт за „ЕСПН“ зборуваше и за промените што треба да се направат во процесот на составување на идеалните тимови.
Take nothing away from guys who made all-nba teams but when Tatum and Donovan Mitchell don’t make an all NBA team something gotta change stop putting positions on who make it doesn’t matter top guys regardless of position should make it ?
— Paul Pierce (@paulpierce34) June 17, 2021
– Немам ништо против момците кои влегоа во идеалните петорки оваа сезона, но кога во нив не ги гледам Џејсон Тејтум и Донован Мичел, тоа значи дека е време да смениме нешто. Престанете да бидете врзани за позициите при составувањето. Врвните играчи треба да бидат во симболичната петорка, без оглед на позицијата, напиша Пирс на Твитер.
НБА пред два дена ги објави двете идеални петорки за сезоната 2020/21.