Групата „Пежо-Ситроен“ (ПСА) и компанијата „Тојота“ ќе ја продолжат соработката во производството на мали градски автомобили, соопшти извршниот директор на ПСА, Филип Варин.
– Следната генерација на моделите „Ситроен Ц1“, „Пежо 107“ и „Тојота Ајго“ ќе биде реализирана како заеднички потфат на трите автомобилски производители и, исто така, ќе се производуваат во Чешка, потврди Варин во разговор за „АУто Мотор унд Спорт“.
Актуелната генерација на споменатите три модела се изработува на иста производна линија во погонот во Колин, а нивните наследници веќе се во подготопвка и се очекува да бидат претставени на почетокот на 2014 година.
Од почетокот на производството во февруари 2005 година во чешката фабрика, чиј капацитет околу 300.000 автомобили годишно, се произведени повеќе од два милиони модели на „Тојота“, „Пежо“ и „Ситроен“.
По неодамнешните вести дека „Пежо-Ситроен“ ќе ја прекине оработката со „Бе-Ем-Ве“ на планот на производство на мотори, се шпекулираше дека тоа е последица на цврстото поврзување на ПСА со „Џенерал Моторс“ (ГМ). Меѓутоа, Варин демантира дека соработката со „Бе-Ем-Ве“ ќе биде завршена по истекот на актуелниот договор, на почетокот на 2016 година.
Иако двете компании за сега не најавиле што ќе се случува од 2017 година, Варин изјави дека ќе се разговара за продолжување на соработката во развојот на моторите, но дека во предвид мора да се земе стандардот „Еуро 7“ за емисија на штетни гасови.
Кога станува збор за договорот меѓу ПСА и „Џенерал Моторс“, Варин предвидува дека со оваа спогодба француската групација ќе заштеди околу 740 милиони евра, благодарение на компонентите што ќе ги делат сродните модели на двата производитела.