„Пежо“ во мај ја претстави новата генерација на моделот „308“ што кај љубителите на автомобили предизвика поделени ставови. Покрај дизајнот на надворешноста, копјата се кршат и околу ентериерот на возилото.
Стилското свртување, кое „Пежо“ го почна со најновата генерација на свои возила, а особено со „208“, продолжува и на моделот „308“.
Тоа се однесува и на ентериерот за кој дизајнерот Гил Видал, и покрај неконвенционалните решенија, тврди дека нуди подобра ергономија во текот на возењето.
Неговите аргумети се: во внатрешноста на новата „308“, која е значајно поспуштена и има помалку команди и копчиња отколку просечен современ автомобил, доминира големиот 9,7 инчен екран од мултимедијалниот уред. Кон повеќето функции се пристапува токму преку овој дисплеј. Сепак, најмногу контроверзи предизвика спуштената положба на управувачот и покренатиот брзиномер и обртомер кои возачот, слично како и кај „Пежо 208“, ги набљудува преку воланот, а не низ него. Освен тоа, стрелката на обртомерот се врти во спротивен правец од онаа на брзиномерот.