Раководството на се уште актуелниот македонски шампион Вардар продолжува со задржување на ракометарите кои беа дел од составот кој минатата сезона ја освои шампионската титула во домашното првенство, а оваа го освоија трофејот во СЕХА лигата.
Владимир Петриќ, Добривоје Марковиќ и Немања Прибак ја продолжија верноста кон Вардар на уште една година.
За десниот бек Петриќ ова ќе биде четврта сезона по ред во „црвено – црниот“ дрес, додека за средниот бек Немања Прибак претстојната сезона ќе биде петта во која ќе биде дел од најтрофејниот македонски ракометен клуб. Левото крило Добривоје Марковиќ ќе ја игра третата сезона како член на Вардар.