Шпанскиот кошаркар Пау Гасол потпиша двегодишен договор со Сан Антонио вреден 30 милиони долари. Со неговиот ангажман, Спарс најдоа замена за Тим Данкан кој одлучил да ја заврши кариерата, пренесуваат американските медиуми.
Изминатиот период интерес за Гасол покажуваа многу клубови, најмногу Портланд, Минесота и Торонто, но Шпанецот го избра Сан Антонио.
Гасол (36) досега во НБА лигата настапуваше за Мемфис, ЛА Лејкерс и Чикаго.