Екипата на Сан Антонио поведе со 1:0 во победи откако ноќеска го доби првиот натпревар од финалето на Западната конференција во НБА лигата. Пред својата публика Сан Антонио славеше со 105:83 против Мемфис.
„Мамузите“ убедливата победа ја најавија уште во првиот период, кој го добија со 31:14. Гостите со трите од пет тројки на Квинси Пондекстер во финишот на третиот период се доближија на шест негатива (56:62), но немаа сили за пресврт.
Најефикасен беше Тони паркер со 20 поени, додека кај Мемфис потфрли Зек Рендолф со само 2 поена.
Следниот натпревар се игра во вторник навечер.