Германскиот производител на автомобили „Опел“ по речиси три децении од последната верзија на луксуното купе „Монза“ подготвува наследник.
„Ауто Билд“ наведува дека новата „Монза“, со современ дизајн од најновата генерација модели на „Опел“, ќе задржи и некои од карактеристиките на моделот што се произведуваше во седумдесетите и осумдесетите години на дваесетиот век.
Новото купе ќе има погон на задните тркала, со што се исклучува користењето на некои од веќе постоечките платформина компанијата. Се претпоставува дека новата „Монза“ ќе биде врз база на Кадилак ГТС.
Се претпоставува дека Опел од погонски единици ќе ги понуди бензинскиот 2,0 литарски четирицилиндарски мотор од Кадилак АТС со 270 коњски сили и 3,6 литарскиот В6 со 320 коњски сили.
Новата Монза ќе биде претставена на Саемот на автомобили во Франкфурт во септември годинава. Доколуго привлече интересот на јавноста новото купе се очекува да се најде во сериско производство до крајот на 2015 година.