Опел претстави нови подобрувања на моделот Адам за 2015 година, а во понуда ќе се најде нов платнен покрив на отворање и автоматизиран Изитроник менувач.
Свинг топ платнениот покрив, претходно беше ексклузивно претставен со кросоверот Адам Рокс, а сега ќе биде достапен и во стандардната изведба на најмалиот модел во гамата на Опел.
Покривот се собира до С столбот за пет секунди и може да се затвори при брзина до 140 километри на час. Целата изведба на покривот е подобрена со цел за подобра звучна изолација.
Опел Адам со покрив на отворање во Германија ќе чини 14.990 евра.
Моделот во 2015 година добива и Изитроник 3.0 менувач со автоматизирана механичка кутија, што нуди повеќе комфорт и поголема доверба.
Опел Адам со 1.4 екоФлекс мотор и Старт/Стоп систем троши 4,76 литри на 100 километри и има емисија на штетни гасови од 109 грама на километар. Опцијата Изитроник во Германија е достапна со доплата од 600 евра. За 2015 година е зголемен и изборот на бои од постоечките 17 на 19 тонови.