„Опел АДАМ“ на саемот Аутомотив Интериорс ЕХПО 2013 во Штутгарт ја освои наградата за најдобро дизајнирана внатрешност меѓу сериските автомобили.
Новиот урбан лајфстајл модел на „Опел“ оваа титула ја освои во конкуренција со моделите „Алфа Ромео 4Ц“, „Јагуар Ф-Тајп“, „Рено Клио“ и „Ренџ Ровер“.
Наградата се доделува во рамки на саемот на кој излагачите претставуваат концепти, материјали, текстил и компоненти од кои се изработува внатрешната опрема во возилата.
За победникот одлучуваше меѓународен жири составен од автомобилски новинари од целиот свет.
Покрај наградата за дизајн на ентериерот за моделот „АДАМ“, „Опел“ доби уште едно признание, со оглед на фактот дека жирито ја номинира и директорката за внатрешен дизајн на „АДАМ“, Елизабет Ветцел, во категоријата Дизајнер на годината за ентериер.
– Индивидуализацијата на внатрешноста е една од бројните АДАМ-ови предности. Нашиот најмал модел нуди дури 82.000 различни комбинации на внатрашно уредување, изјави Елизабет Ветцел по повод освајување на признанието.
Најновата награда за дизајн е уште едно признание за „Опел АДАМ“. Од своето претставување, овој автомобил освои пет награди на натпреварувањата за иновации „Плус Х Авард”, како и „Ред дот“ наградата за дизајн.