По неколку години пауза Македонија повторно има претставник во групната фаза во ракометната Лига на шампиони за ракометарки, натпреварување во кое викендов се одигра 1.коло од сезоната 2013/14.
Македонскиот шампион ЖРК Вардар СЦБТ вчера во дуелот од 1.коло во дебито оствари победа на гостувањето против шпанската екипа Бера Бера со 23:19.
На вториот натпревар од групата Д, Ларвик ја победи Подравка со 34:18.
На другите натпревари од првото коло беа постигнати следниве резултати:
А група: Ѓер – Хипо 41:22 и Турингер – Баја Маре 36:29.
Б група: Митјиланд – ФТЦ 32:23 и Будуќност – Лублин 31:19.
Ц група: Мец – Лајпциг 22:23 и Крим – Савехоф 36:28.
Во второто коло од Д групата ЖРК Вардар СЦБТ во петок на 11 октомври игра против Ларвик во СЦ „Борис Трајковски“ со почеток во 18 часот и 30 минути.