Македонските одбојкари напредуваа едно место на најновата ранг листа на ЦЕВ и сега се 19. место со 170 поени, благодарение на пласманот на фајналфор-турнирот во Полска во рамки на Европската лига, каде што го освоија 2. место.
На табелата пред Македонија се наоѓа Грција со 188. поени, а од противниците во Европската лига подобар рејтинг од нашата репрезентација имаат Естонија 17. место и шампионот Словенија 11. место. Рангирани се вкупно 48 земји, а на чело се Русија, Србија и Полска.
Македонија можеби ќе добие шанса и во Светската лига наредната сезона. Тоа треба да го дефинира Светската одбојкарска федарација (ФИВБ) на утрешниот состанок во Лозана.