Најавено е обновување на легендарната спортска икона Jaguar E-Type со елементи на модерна интерпретација на класичните линии на убавецот.
Станува збор за компанијата Lyonheart Cars основана во Ковентри чија идеја е да ја оживее традиционалната британска градба на автомобили која е синоним за ретки, ексклузивни и рачно изработени супер луксузни спортски автомобили.
Под хауба брмчи 5.0 литарски V8 надграден со механички компресор рафиниран од инженерите Coswort. Оваа британска икона од мотор, го користат Jaguar и Land Rover/Range Rover, е навиена на 575 КС и 700 Nm.
Спарен со шест степен автоматик преку задните тркала го турка лесното тело на Lyonhearth K до 100 km/h за помалку од 4 секунди, а максималната брзина е електронски ограничена на 300 km/h.
Возната динамика профитира од цврстата алиминиумска шасија со мултилинк и напред и назад. Lyonhearth K стои на бандажи од лесен метал од 20 инчи има биксенон светла дополнети со светлечки диоди и напред и назад.
Продукцијата е ограничена на 250 примероци. Lyonhearth K Coupe ќе чини 360.000 евра, а Lyonhearth Convertible 375.000 евра. Производството стартува во декември.