Американскиот производител на електромобили, Тесла соопшти дека сите верзии на „Моделот С“ во иднина ќе бидат стандардно опремени со погон на сите четири тркала.
Пред три години, Тесла по првпат на купувачите им го понуди „Моделот“ со два електромотора и погон на две осовини. Оттогаш, нарачките за модификации со погон четири тркала, растеа… Така, на крајот од 2017 година, компанијата реши да ја укине верзијата со еден електромотор и погон на задните тркала.
Тесла на овој начин сака да ги подобри возните карактеристики на возилото во различни временски услови, и така да им овозможи на клиентите побезбедно возење.