На кошаркарот на Далас Маверикс, Дирк Новитцки му e извршена операција на левиот скочен зглоб и ќе ги пропушти преостанатите неколку натпревари од тековната сезона.
Зафатот не би требало да ја загрози одлуката на германскиот кошаркар да игра и следната година, која за него би била 21-та сезона во Маверикс.
– За мене нема слободни денови. Станувам во седум часот, а во девет ја носам ќерка ми в градинка. А ќе тренирам и по нашиот разговор. Доколку и само еден ден не правам ништо ќе ми биде потребна цела вечност да се вратам во нормала. Затоа доаѓам во салата и во деновите кога немаме тренинзи, нагласува Новитцки во интервју за германски „Шпигел“.
Тој оваа сезона во просек оствари по 12 поени и 5,7 скокови.