Новата сезона во најсилната кошаркарска лига во светот, НБА, треба да започне на 22 декември. Тоа е резултат на преговорите меѓу челниците на НБА лигата и Здружението на играчи (НБПА), кои наскоро ќе бидат официјализирани, пренесува ESPN.
Како што се наведува, Здружението на играчи е блиску до договор со раководството на лигата за тој датум, како и за 72 натпревари што треба да се одиграат во регуларната сезона, а тоа се 10 помалку од вообичаеното.
Сезоната ќе заврши на крајот на мај, а плеј-офот ќе заврши пред почетокот на Олимписките игри во Токио. Беше посочено дека евентуалното враќање на публиката на трибините засега не е разгледувано.