Новата сезона во Бундеслигата ќе започне во петок, 18 септември. Ова го соопшти Германската фудбалска асоцијација. Традиционално, сезоната во Германија ќе биде отворена со натпреварите од првото коло на турнирот во националниот куп. Натпреварите од оваа фаза ќе се одвиваат помеѓу 11 и 14 септември.
Сезоната во Бундеслигата обично започнува кон средината на август, но тоа нема да биде можно годинава, бидејќи тогаш ќе се играат европски клупски турнири. Поради оваа причина, локалната федерација предвидува и некои измени со цел исполнување на роковите за крајот на сезоната 2020/2021. Тие ја покриваат зимската пауза, која ќе биде многу пократка, со натпревари од првенството закажани во првиот викенд на јануари.
Новата кампања треба да заврши до крајот на мај, бидејќи Европското првенство во фудбал, кое е одложено за една година поради пандемијата на коронавирус, треба да започне на 11 јуни.