Големата НБА ѕвезда, Стеф Кари заработи нова повреда.
Бекот се врати во својот Голден Стејт откако пропушти шест меча поради повреда на зглобот, но доби нова повреда во третиот дел од натпреварот во Атланта, освоен со 106:94.
Кари беше повреден од неговиот тимски колега, Џавеил Мекги, кој при паѓање го удри неговото колено. Стеф го напушти теренот и повеќе не се појави во игра. До тој момент, тој имаше забележано 29 поени и 7 скока.
По дуелот, стана јасно дека проблемот воопшто не е наивен, откако се дозна дека станува збор за растегнување на лигамент на левото колено.
Денеска Кари ќе биде прегледан магнетна резонанца, која точно ќе одреди колкава е штетата и времето за закрепнување.