Српскиот интернационалец Никола Јокиќ ја одбележа изминатата ноќ во НБА лигата. Центарот на Денвер постигна рекордни во кариерата 41 поен во победата на својот тим против Бруклин со 112:104. Јокиќ средбата ја заврши со „дабл-дабл“ учиник, бидејќи на 41 поен придодаде и 12 скокови.
Иако тимот на Оклахома сезонава важи за претендент за највисок пласман сепак „Тандерси“ се одново поразени. На гостувањето во Сакраменто, Оклахома загуми од „Кингси“ со 94:86. Ударното трио на Оклахома, Вестбрук-Ентони-Џорџ беше далеку од очекуваното иако Расел Встбрук средбата ја заврши со 20 поени, 12 скока и 6 асистенции, Кармело Ентони придодаде 16, а Пол Џорџ 12 поени.
Вице-шампионот Кливленд во интересна завршница го совлада Милвоки со 124:119. Кевин Лав дуелот го заврши со 32 поени и 16 скока, додека Леброн Џејмс имаше 30 поени, девет асистенции и осум скока. Кај Милвоки, а воедно и на натпреварот најефикасен беше Јанис Антетокуомпо со дури 40 поени.
На останатите натпревраи одиграни ноќеска во НБА лигата, беа постигнати следниве резултати: Индијана – Њу Орлеанс 112:117, Вашингтон – Далас 99:113, Њујорк – Шарлот 118:113, Торонто – Чикаго 119:114, Сан Антонио – ЛА Клиперс 120:107, Јута – Филаделфија 97:104, Портланд – Мемфис 97:98.