Македонскиот кошаркарски шампион МЗТ Скопје потпиша договор со српскиот интернационалец Немања Протиќ, соопштија денеска од клубот од Аеродром.
Протиќ (182 см. 29 год.) игра на позицијата плејмејкер.
Во текот на својата кариера има настапувано за повеќе клубови, а меѓу нив се: Борац Чачак, ФМП, Олденбург, Химик, Нижни Новогород, Олин Едирне, Левски и Будуќност.
Минатата сезона Немања Протиќ ја помина во тимот на Металац од Ваљево, за кој што одигра 16 меча во АБА лигата со просек од 7.4 поени и 2.2 асистенции по натпревар, односно девет натпревари во српскиот шампионат со просек од 9.2 поени и 2.4 асистенции.