Актуелниот претседател на Фудбалската федерација на Македонија Илчо Ѓорѓиоски денеска на Изборното собрание во Охрид доби нов четиригодишен мандат.
Да продолжи да ја води ФФМ, Ѓорѓиоски доби едногласна поддршка од сите присутни 91 делегат без ниту еден глас против или воздржан.
Ѓорѓиоски на чело на ФФМ дојде минатата година преку Вонредно собрание на местото на Хари Хаџи-Ристески.
Од доаѓањето на раководната функција на поранешниот тренер на Вардар, федерацијата почна да ги намалува долговите, а најави нова напорна работа и довршување на голем број проекти за стабилизирање и напредок на македонскиот фудбал.