Во НБА лигата ноќеска се одиграа само три натпревари, а победа на гостински терен постигна само Њујорк откако со 102:80 ја порази екипата на Њу Орлеанс. Најефикасен на натпреварот воедно и на вечерта беше Кармерло Ентони со 29 поени.
Филаделфија пред своите навивачи со совлада Торното со 106:98, додека Лос Анџелес Лејкерс предводен од тандемот Коби Брајант – 25 поени и Двајт Хаурад 15 скокови беа подобри од Бруклин со 95:90.
Вечерва се играат 14 натпревари. Двојките се: Шарлот – Торонто, Орландо – Детроит, Кливленд – Филаделфија, Индијана – Њу Орлеанс, Бостон – Сан Антонио, Атланта – Вашингтон, Мајами – Милвоки, Оклахома Сити – Лос Анџелес Клиперс, Хјустон – Чикаго, Минесота – Денвер, Далас – Њујорк, Феникс – Портланд, Сакраменто – Лос Анџелес Лејкерс и Голден Стејт – Бруклин.
Во Источната конференција водат Њујорк и Мајами, а на Западот на првите две места се екипите на ЛА Клиперс и Мемфис.