Јапонската автомобилска компанија „Нисан мотор“ ќе повлече повеќе од 127.7 илјади возила во Русија, соопшти рускиот регулатор Ростандард.
„Причината за повлекувањето на моделите на „Нисан“ – „note“ и „tiida“ произведени од 30 август 2008 до 1 август 2014 година е можноста од погрешно активирање на воздушното јастуче на возачот“, се наведува во соопштението.
Генераторите на гас во неисправните воздушни јастучиња ќе бидат проверени и заменети таму каде што ќе биде потребно. Поправките ќе бидат бесплатни за сопствениците на возилата.