Компанијата Аутомотив Груп и Вардар се договорија да го продолжат договорот и за следната сезона како и да ја прошират својата соработка со третопласираниот тим на последниот Финал Фоур во женски ракомет, ЖРК Вардар, соопштија денеска „црвено-црните“.
– Вардар е амбициозен проект којшто допрва ќе го освојува Европскиот ракомет во машка и женска конкуренција, затоа сметаме дека соработката со еден гигант во автомобилската индустрија како што е НИССАН одговара на стратегијата на нашиот клуб, кој секогаш има амбиции за подобри резултати и се стреми кон нови успеси, изјави директорот на РК Вардар, Давор Стојаноски.
Од „Нисан“ изразија задоволство од досегашната соработка со, како што велат, амбициозните и успешни клубови.
– Ракометот е број еден спорт во Македонија кој го пратат и поддржуваат најголемиот број македонски навивачи. Верните навивачи на Вардар и ракометните љубители секојдневно очекуваат информации за својот клуб и се што е поврзано со него, нивниот следен потег, нови засилувања,нови амбиции. Со задоволство ја продолжуваме и прошируваме нашата соработката со амбициозни и успешни клубови како РК Вардар и ЖРК Вардар, истакна Симона Николовска, лице одговорно за односи со јавност на Аутомотив Груп.
Женскиот и машкиот ракометен клуб Вардар минатата година забележаа врвни успеси како во домашните и регионалните лиги, така и на меѓународна сцена.
На Европско ниво, почнувајќи од сезоната 2014/2015, Нисан во наредните четири години официјален превозник на елитното фудбалско натпреварување – Лигата на шампионите во наредните четири години.