Партизан синоќа го отпушти тренерот Мирослав Николиќ, кој пак рече дека е изненаден од одлуката на раководството на „црно-белите“.
– Тивко дојдов, тивко ќе си заминам без да дигам многу прашина како што многумина мислат. Само ќе кажам дека не го заслужив ова. При потпишувањето на тригодишниот договор летото, целта беше со млади играчи и буџет од околу 300 илјади евра да создаваме тим за иднината. Не можев да ги донесам сите млади кошаркари, бидејќи некои од нив веќе беа ангажирани од други екипи, рече Николиќ по напуштањето на тренерската позиција.
Партизан в сабота игра со МЗТ Скопје Аеродром во 12.коло од АБА лигата.