Ракометарите на Данска ја совладаа Хрватска во финалето на Светското првенство и со тоа по четврти пат по ред станаа светски шампиони. Ова никогаш не го постигнала ниту една репрезентација во историјата на овој спорт – мечот заврши со резултат 32-26.
Светскиот шампион го отвори финалето со 4:1 на стартот од мечот. Хрватска ја задржа врската, со агресивна одбрана и стигна до 8:7 по речиси дваесет и две минути игра.
Матијас Гидсел го презеде водството во финишот на првото полувреме, а Данците на пауза заминаа со четири гола предност (16:12).
Со серија од 7:2 бранителите на светскиот трон го однесоа ова финале во еден правец. По 41 минута беше 24:14 и избраниците на Николај Јакобсен стигнаа до двоцифрена предност.
Хрватите со добра серија успеаја максимално да се вратат во мечот, кога ја намалија предноста на Данска на само пет гола (28:23). Но, тие не можеа повеќе од тоа.
Матијас Гидсел беше очекуваното прво име на финалето со 10 голови. Емил Јакобсен додаде пет, а Сајмон Питлик четири хитови. Емил Нилсен во финалето собра дури 14 одбрани.
Од друга страна, Иван Мартиновиќ постигна шест гола, а Марио Шоштариќ пет.
Доминик Кузмановиќ имаше само четири одбрани.