Кошаркарите на Мајами ја продолжуваат серијата победи во НБА лигата. Ноќеска на гостувањето го совладаа Орландо и стигнаа до 27-от триумф во низа. Повторно најдобар на теренот беше Леброн Џејмс, кому му недостигаше еден скок за „трипл дабл“ – 24 поени, 11 асиситенции и 9 скокови. Поради повреда не настапи Двејн Вејд.
Порази претрпеа Денвер од Њу Орлеанс со што ја прекина серијата од 15 победи во низа и Лос Анџелес Лејкерс на гостувањето кај Голден Стејт.
Резултати од ноќешните НБА натпревари: Вашингтон – Мемфис 107:94, Орландо – Мајами 94:108, Индијана – Атланта 100:94, Њу Орлеанс – Денвер 110:86, Јута – Филаделфија 107:91 и Голден Стејт – Лос Анџелес Лејкерс 109:103.
Вечерва се играат три натпревари: Бостон – Њуорк, Детроит – Минесота и Далас – Лос Анџелес Клиперс.
Пласман Источна конференција: Мајами 56-14 (победи-порази), Индијана 44-27, Њујорк 42-26, Бруклин 41-29, Чикаго 38-31, Атланта 39-32, Бостон 36-33, Милвоки 34-35,…
Пласман Западна конференција: Сан Антонио 53-17, Оклахома Сити 52-19, Лос Анџелес Клиперс 48-22, Денвер 49-23, Мемфис 47-23, Голден Стејт 41-31, Хјустон 39-31, Лос Анџелес Лејкерс 36-35,…