Атлетико Мадрид ја одбил понудата од 150 милиони евра за Жоао Феликс од клуб од Премиер лигата чие име не се соопштува, пишува goal.com. Понудата се случила пред почетокот на пандемијата, а според извештаите, „јорганџиите“ веднаш ја одбиле.
Португалскиот напаѓач беше привлечен во Атлетико минатото лето кога клубот од шпанската престолнина го доведе од Бенфика за 126 милиони евра.
Феликс досега не успеа да ги покаже своите можности со екипата од Мадрид. Од почетокот на сезоната, тој има осум гола и три асистенции на 29 одиграни натпревари за Атлетико, а повредите на глуждот исто така имаа удел во релативно слабиот учинок на Португалецот.
Во првиот натпревар по продолжението на сезоната, Феликс имаше одличен настапи, постигнувајќи два гола во победата од 5:0 над Осасуна.