Македонските каратисти Венцислав, Дејан и Аљоша Недеви викендов учествуваат на врвен карате семинар во Глазгов, Шкотска.
Семинарот е во организација на Шкотската традиционална карате федерација под водство на легендарниот карате мајстор Сенсеи Масао Кавазое 9 дан и повеќекратниот кумите шампион на Јапонија, Сенсеи Кеисуке Немото 6 дан.
На семинарот учествуваат преку 250 каратисти од повеќе земји од светот.
-Учеството на вакви врвни семинари се од големо значење за развојот и напредокот на македонските каратисти во традиционално карате, наведуваат од Македонската традиционална карате федерација (МТКФ).