Рускиот кошаркар и член на Уникс од Казан, Алексеј Швед, зборуваше за малку познати детали од неговата кариера.
Toj се осврна на периодот од пред две години, кога беше многу блиску до пристигнување во Мали Калемегдан, кога тренер беше Душко Ивановиќ.
„Не ми дозволија да дојдам во Црвена Звезда, бидејќи сум Русин. Разговаравме. Знам кои земји не ми дозволија да дојдам, знам што се случи. Така е. Сега сум среќен што играм во мојата татковина и што сум дел од Уникс“, рече Швед, пренесува Mozzart sport.
Швед продолжи, алудирајќи на проблемот со Литванија и фактот дека Рокас Гиедраитис играше во тимот во тоа време.
Швед не ги криеше своите емоции кога се спомена српската кошарка.
„Навивачи! Одлични навивачи на Партизан и Црвена Звезда. Имам одличен однос со многу српски тренери и играчи“
Уште како тинејџер, легендарниот Душко Вујошевиќ го сакаше во Партизан.
„Кога бев млад, можеби 19 години, Партизан сакаше да дојдам, но бев играч на ЦСКА и не ме пуштија“, рече Швед и додаде дека му недостига играњето во Евролигата.
„Многу ми недостига Евролигата, секогаш имам желба да се натпреварувам во најдоброто натпреварување. Сепак, сите знаат дека не ни дозволуваат да играме. Чекаме сè да заврши и се надевам дека ќе се вратиме. Ова не е добро за ниту еден спорт, вклучително и за Евролигата. Ние само сакаме да играме. Моментално играме во ВТБ лигата, тоа е она што го имаме. Не е наша работа да го поправиме, од нас зависи да играме“, рече Швед.