На двата натпревара во НБА лигата одиграни ноќеска победи постигнаа домашните екипи Бостон Селтикс и Денвер Нагетс.
Во дуелот на екипите со најмногу титули Бостон го победи Лос Анџелес Лејкерс со 116:95. Домаќинот беше убедлив и натпреварот го реши по првите три четвртини. Во третиот период Пол Пирс постигна 12 од своите 24 поени.
За Бостон ова беше шеста победа во серија. Натпреварот го одбележи и Кевин Гарнет, кој постигна 15 поени, а во вториот период постигнувајќи кош стана 16.ти играч во историјата на НБА со 25.000 поени.
На вториот натпревар Денвер го победи Чикаго со 128:96, а најефикасен на натпреварот беше играчот од клупата Вилсон Чандлер, кој постигна 24 поени.
Вечерва се играат 12 натпревари: Вашингтон – Бруклин, Шарлот – Лос Анџелес Лејкерс, Индијана – Торонто, Атланта – Њу Орлеанс, Детроит – Сан Антонио, Кливленд – Орландо, Мајами – Лос Анџелес Клиперс, Мемфис – Голден Стејт, Хјустон – Портланд, Оклахома Сити – Феникс, Минесота – Њујорк и Јута – Чикаго.
Пласман Источна конференција: Мајами 32-14 (победи-порази), Њујорк 31-16, Индијана 31-19, Чикаго 29-19, Бруклин 29-20,…
Пласман Западна конференција: Сан Антонио 39-11, Оклахома Сити 37-12, Л.А.Клиперс 35-16, Денвер 32-18, Мемфис 30-18,…