Крилниот играч на Мајами Хит, Дерик Џонс Џуниор, кој победи на годинешниот натпревар во забивање на НБА ол-стар викендот во Чикаго во Февруари, е позитивен на коронавирусот, пишува весникот „Сан Сентинел“ повикувајќи се на извори во лигата.
Со ова, бројот на заразени НБА кошаркари кои се тестираа позитивни се зголеми на осум, откако претходно беше потврдено дека заразени се Никола Јокиќ, Малком Брогдон, Бади Хилд, Алекс Лен, Џабари Паркер и уште двајца неименувани играчи на Феникс.
Според изворот, Џонс не покажал никакви симптоми и се чувствувал добро. Според упатствата утврдени од НБА, играч со позитивен тест мора да се изолира, не треба да продолжи со тренинзите со тимот најмалку две недели од првиот ПЦР тест, или додека не покаже два негативни теста.
Се очекува актуелниот шампион на натпреварот за забивање да биде достапен за својот тим за продолжението на сезоната во Орландо на крајот на јули.