Комесарот на НБА лигата Адам Силвер изрази денеска очекување дека сите екипи од следната сезона ќе можат да ги отворат своите сали за навивачите со максимален капацитет.
– Поприлично сум оптимист, изјави Силвер во онлајн интервју спроти вечерашниот Ал-стар натпревар во Атланта.
– Веќе половина од тимовите им дозволуваат влез на навивачите, во ограничен број. Доколку вакцинирањето продолжи со ова темпо, и доколку во иднина има вакцини против Ковид-19, очекуваме следната сезона да имаме релативно исполнети сали, додаде Силвер.