Во натпревар на двете до ноќеска второпласирани екипи по конференции, Њујорк во „Медисон Сквер Гарден“ го побеи Сан Антонио со 100:83 и го симна противникот од втората позиција на „Запад“.
Клучна за победата беше одбраната која ја одиграа „Никси“ на двајцата најдобри играчи на Сан Антонио, Тим Данкан и Тони Паркер, кои заедно постигнаа 22 поена. Најефикасен на натпреварот беше Кармело Ентони со 23 поени.
На вториот НБА натпревар одигран ноќеска, Минесота како гостин славеше кај Денвер со 101:97. Кевин Лав имаше 12 поена и 17 скокови, додека по 17 поени уфрлија Џеј Џеј Бареа и Алексеј Швед.
Вечерва се играат 11 натпревари: Торонто – Сакраменто, Вашингтон – Бруклин, Шарлот – Кливленд, Детроит – Атланта, Мајами – Чикаго, Бостон – Индијана, Мемфис – Портланд, Оклахома Сити – Филаделфија, Милвоки – Хјустон, Феникс – Јута и Лос Анџелес Клиперс – Лос Анџелес Лејкерс.
Пласман Источна конференција: Мајами 22-8 (победи-порази), Њујорк 22-10, Атланта 20-10, Индијана 19-13, Чикаго 17-13,…
Пласман Западна конференција: Оклахома Сити 24-7, Лос Анџелес Клиперс 25-8, Сан Антонио 26-9, Мемфис 20-9, Голден Стејт 22-10,…