Кошаркарите на Лос Анџелес Лејкерс ја постигнаа третата победа сезонава или втора по ред, откако ноќеска го совладаа тимот на Сакраменто со 103:90, па така под водство на привремениот тренер Берни Бакерстаф, по смената на Мајк Браун изборија нова победа.
Предводник до успехот на „езерџиите“ беше Двајт Хауард со 23 поени и 18 скокови, додека дури тројца други стартери имаа повеќе од 18 поени.
Преглед на резултатите одиграни синоќа: Бруклин – Орландо 82:74, ЛА Клиперс – Атланта 89:76, Мемфис – Мајами 104:86, Оклахома Сити – Кливленд 106:91 и ЛА Лејкерс – Сакраменто 103:90.
Вечерва се играат осум натпревари: Торонто – Јута, Филаделфија – Милвоки, Детроит – Оклахома Сити, Чикаго – Бостон, Хјустон – Мајами, Далас – Минесота, Феникс – Денвер и Портланд – Атланта.