Кошаркарите на Мајами остварија победа од 90:79 на ноќешниот натпревар број 5 од финалето на Источната конференција против Индијана и сега водат со 3:2 во добиени натпревари.
„Жешките“ ја искористија предноста на домашен терен и предводени од Леброн Џејмс (30 поени) отпорот на противникот го скршија во второто полувреме кое го добија со 50:35.
Во редовите на шампионот Удонис Хаслем имаше шут од игра 8 од 9 и постигна 16 поени.
Кај поразениот тим најпрецизни беа Пол Џорџ со 27 поени и Рој Хиберт со 22.
Натпреварот број 6 се игра во сабота на теренот на Индијана и доколку оваа екипа победи мајсторката за влез во финалето ќе се игра во понеделник.