Актуелниот шампион во НБА лигата екипата на Мајами на ноќешното гостување кај Бруклин оствари висока победа од 20 поени разлика, а најзаслужен за триумфот беше Леброн Џејмс со 24 поени, 9 скокови и 7 асистенции, додека Двејн Вејд имаше 21 поен.
Во редовите на домашните се истакна Брук Лопез, кој ќе го замени повредниот Раџон Рондо на „Ол старс“ натпреварот и беше стрелец на 21 поен.
Преглед на резултатите на ноќешните натпревари: Филаделфија – Вашингтон 92:84, Индијана – Детроит 98:79, Бостон – Сакраменто 99:81, Њујорк – Орландо 113:97, Аталанта – Торонто 93:92, Бруклин – Мајами 85:105, Милвоки – Чикаго 88:104, Минесота – Лос Анџелес Клиперс 90:96, Сан Антонио – Шарлот 102:78, Денвер – Хјустон 118:110, Јута – Њу Орлеанс 104:99 и Феникс – Лос Анџелес Лејкерс 92:86.
Вечерва се играт само два натпревара: Оклахома Сити – Мемфис и Голден Стејт – Далас.
Пласман Источна конференција: Мајами 29-13 (победи-порази), Њујорк 28-15, Чикаго 28-17, Бруклин 27-19, Индијана 27-19,… Пласман Западна конференција: Сан Антонио 37-11, Оклахома Сити 34-11, Л.А. Клиперс 34-13, Мемфис 29-15, Голден Стејт 28-17,…