Екипите на Вардар Про и на Металург вечерва ќе ги одиграат натпреварите од 14.коло во СЕХА лигата.
Првакот на ова натпреварување Вардар Про гостува во Словачка кај екипата на Татран Прешов, додека македонскиот првак Металург игра натпревар со тимот од Црна Гора, Ловќен.
На овој дуел македонската екипа ќе настапи ослабена бидејќи на гостувањето не заминаа повредените Дејан Манасков, Филип Миркуловски и Ацо Јоновски, додека замената за Манасков, Словенецот Давид Корозија ќе мора најпрвин да се воигра со екипата.
На другите натпревари од ова коло: Мешков Брест – Нексе 30:25, Загреб КО – Борац 35:21 и Слога – Извиѓач 29:18.
Табела: Мешков Брест 31 бод, Загреб КО 29, Металург 27, Вардар Про 26, Ловќен 23, Татран Прешов 22, Нексе 22, Извиѓач 9, Борац 7, Слога 3.