Наполи и Горан Пандев ќе бидат пред вистински тест предизвик, каде што ќе треба да надоместат негатива од 3 гола, против Плзен na гостински терен.
До сега тоа не му успеало на ниту еден тим откако е формирано новото натпреварување , па затоа Наполи е речиси пред невозможна мисија. Чесите на првиот натпревар среде Неапол славеа со убедливи 0-3.
Во преходниот формат на Лига Европа, УЕФА купот, само пет клуба успеаа да вратат негатива од три или повеќе гола и да поминат во следната фаза. Таков подвиг им успеа на Бриж, Реал Мадрид, Партизан, Панатинаикос и Баер.
Покрај Пандев од македонските претставници во ЛЕ, Даниел Георгиевски ќе го пропушти и возвратниот дуел на својот клуб, Стеауа против Ајакс во кој холанѓаните имаат предност од 2-0 со победата на домашен терен.
Македонскиот судија Александар Ставрев ќе ја дели правдата на натпреварот во Лондон на дуелот помеѓу Челси и Спарта. Ова ќе биде 11 натпревар за Ставрев на кој ќе суди, до сега има покажано 44 жолти картони и три црвени, а нема досудено ниту еден пенал.