Легендарниот јапонски фудбалер Казујоши Миура, кој на 26 февруари ќе го прослави својот 54 роденден, го продолжи за уште една година договорот со прволигашот Јокохама.
Миура во септември постави нов светски рекорд како највозрасен фудбалер, појавувајќи се на теренот во дресот на јапонскиот прволигаш Јокохама со 53 години, шест месеци и 28 дена.
Новиот договор „Кралот Казу“, кој на својот дрес го носи бројот 11, го потпиша денеска, на 11 јануари, во 11 часот и 11 минути.
-Мојата страст за играње фудбал само се зголемува, изјави Миура при потпишувањето на новиот договор со членот на јапонската Прва лига.