Првиот светски рекет Рафаел Надал и аргентинскиот тенисер Хуан Мартин Дел Потро ќе играат во полуфиналето на Грен слемот US Open.
Надал синоќа полесно од очекувањата го победи Русинот Андреј Рублев со 3-0, по сетови 6:1, 6:2 и 6:2.
Противникот на Надал во мечот за финалето, Дел Потро имаше потешка задача во четврфиналната фаза. Аргентинецот ноќеска го совлада Рожер Федерер (Швајцаија) со 3:1 (7:5, 3:6, 7:6 и 6:4).
Другата полуфинална двојка на турнирот во Њујорк ја сочинуваат Кевин Андерсон (Јужна Африка) и Пабло-Карењо Буста (Шпанија).