На терените на Ролан Гарос во Париз денеска ќе се комплетираат осминафиналните мечеви во двете конкуренции. На двата главни теренa ќе се одиграат вкупно осум мечеви (по четири кај мажите и кај жените).
Најдобриот светски играч Рафаел Надал за противник го има Душан Лајовиќ. Французинот Гаел Монфис ќе има дуел со Гиљермо Гарсија-Лопез, а ланскиот финалист Давид Ферер ќе игра против Кевин Андерсон. Последната осминафинална двојка ја сочинуваат Фернандо Вердаско и Енди Мареј.
Кај дамите на програмата се дуелите: Кики Бертенс – Андреа Петковиќ, Симона Халеп – Слоу Стефенс, Јелена Јанковиќ – Сара Ерани и Светлана Кузнецова – Луси Сафарова.
По вчерашните дуели познати се и дел од четвртфиналните двојки: Томаш Бердих – Ернест Гулбис, Милош Раониќ – Новак Ѓоковиќ (кај мажите), Габрине Мугуруза – Марија Шарапова и Карла Суарез Наваро – Еугени Бушар (кај жените).