Македонскиот кошаркарски шампион МЗТ Скопје Аеродром попладнево во рамките на 4.коло од АБА лигата гостува кај екипата на Мега Лекс. По поразот од белградски Партизан, ова ќе биде нова шанса за победа за избраниците на Алеш Пипан. Почетокот на натпреварот е во 17 часот.
МЗТ Скопје по дуелот со Партизан во вторникот останаа во Србија со цел играчите посвежи да го дочекаат денешниот дуел.
Покрај дуелот Мега Лекс – МЗТ Скопје денеска се играат уште три натпревари: Крка – Цедевита, Будуќност – Задар и Цибона – Олимпија. Последните два натпревара од колото: Игокеа – Партизан и Сутјеска – Металац се играат утре.
Во првиот натпревар од оваа рунда шампионот на АБА лигата Црвена Звезда убедливо го победи Тајфун со 113:66 и ја постигна четвртата победа.