Во организација на Македонската традиционална карате федерација од 18 до 26 јуни 2017 година во Неа Флогита, Грција се одржа 50. летен карате семинар и турнир “Неа Флогита 2017“. На семинарот учествуваа вкупно 68 каратисти од Македонија, Грција и Србија.
Семинарот го водеа Проф. Венцислав Недев 9 дан и м-р. Дејан Недев 6 дан.
Тренинзите се одвиваа два пати дневно сабајле и напладне на плажа. Овој семинар беше и подготвителен за членовите на државната репрезентација кој од 3 до 5 ноември 2017 година ќе настапат на Светскиот фудокан карате шампионат во Клуж, Романија и од 1 до 3 декември 2017 на Обединетиот Светски Карате Шампионат во Монтекатини, Италија.
На крај од семинарот се одржа полагање за ученички и мајсторски појаси како и традиционалниот карате турнир “Неа Флогита 2017.
Победници по категории:
Јуниори –кадети кати и кого-кумите: Бојан Богдановиќ;
Јуниори-кадетки и кого-кумите: Мила Саздовска;
Кати деца од 10-14 години и Кихон Ипон Кумите: Димитар Влахо;
Кати деца од 6-9 години и Кихон Ипон Кумите: Слободанчо Костов и Мила Младеновска.