Македонската традиционална карате федерација со пригодна свеченост го одбележа големиот јубилеј 50 години карате во Република Македонија.
Со специјални награди и по една монографија беа одликувани 56 спортски и карате легенди, поддржувачи на карате спортот во РМ меѓу кои беа: премиерот на РМ Зоран Заев, директорот на АМС Дарко Каевски, амбасадорката на Јапонија во РМ Кеико Ханада-Амбасадорка, Владимир Јорга, Венцислав Недев, Дејан Недев, Шабан Трстена, Насе Насев, Васил Тупурковски и многу други.
На свеченоста беше промовиран и документарен филм за каратето во РМ и за Венцислав Недев-карате тренер на векот во РМ.
По поводот јубилејот во просториите на МОК од старана на претседателот Васил Тупурковски беше приреден прием на Владимир Јорга, Венцислав Недев и Дејан Недев, по повод јубилејот 50 години карате во РМ.
Тупурковски им го честиташе големиот јубилеј на македонските каратисти и им посака во иднина да продолжат да остваруваат високи резултати на меѓународните натпреварувања.