Поранешниот потпретседател на ФИФА, Јужнокореецот Чунг Монг Јун, и официјално ја објави својата кандидатура за наследник на Сеп Блатер на чело на Светската фудбалска организација. Тој вети дека ќе ја исчисти ФИФА од корупција доколку биде избран на функцијата.
-ФИФА се наоѓа во длабока криза, а во такви околности нејзиниот нов претседател треба да работи како кризен менаџер и реформатор. Проблемот на ФИФА е што нејзините функционери сакаат да го затскријат криминалот, а не и да го искоренат. Клучната причина за корупцијата е тоа што со организацијата веќе 40 години владее една иста личност, изјави Монг – Јун.
Изборите за нов претседател на ФИФА ќе се одржат на 26. февруари идната година.