Mercedes ја претстави лутата изведба на новата S Класа која се кити со беџот на AMG.
Mercedes сам ги објави првите фотографии од новиот S63 AMG.
Тие се направени во погоните на марката во Зинделфинген, Германија каде што стартуваше производството на S Класа. Од фотографиите можа да се забележи поагресивната нота на лутата S Класа.
Браникот има поголеми отвори за довод на воздух, обликуван е за да овозможи подобра аеродинамика. Капакот на багажникот е обликуван како спојлер, а на него стои и неизбежниот знак S63.
Под хауба работи 5.5 литарскиот V8 битурбо кој истискува 557 КС, а покрај обичниот S63 AMG во понуда ќе биде и S – Model чија моќност ќе биде значително повисока и ќе мери 585 коњски сили.
