Mладите каратисти од карате клубот „Урбан инвест” од Кавадарци на 10-от меѓународен турнир „Струга опен 2013” кој се одржа викендов освоија 7 златни, 5 сребрени и 5 бронзени медали, информираше денеска тренерот на клубот, Ивана Аврамова.
– На натпреварот учествуваа 241 натпреварувач од 35 клуба од Македонија, Албанија и Косово. На турнирот учествувавме со 14 натпреварувачи. Го освоивме пехарот за трето место во генералниот пласман, изјави Аврамова.
Златни медали во категоријата кати поединчено освоија Владанка Аврамова, Петар Аврамов, Игор Јовков и Моника Коч. Со злато се закитија и ката тимовите составени од каратистки родени 2002/2003 година, како и каратистки и каратисти родени 2000/2001 година.